Ambasada ruse në Shkup komentoi shpalljen e gjashtë diplomatëve si të padëshirueshëm nga Ministria e Punëve të Jashtme të Maqedonisë së Veriut, prej të cilës morën afat pesë ditë për t’u larguar nga vendi.
Nga pala ruse, ky hap është konsideruar armiqësor dhe se pasojat e tij mund të shkaktojnë përçarje në marrëdhëniet midis Rusisë dhe Maqedonisë së Veriut.
”Pa njoftuar reagimin e palës ruse ndaj këtij hapi armiqësor, theksojmë se pasojat e tij do të kenë një ndikim serioz në marrëdhëniet midis Rusisë dhe Maqedonisë së Veriut. Veçanërisht duam të theksojmë se akuzat janë krejtësisht të pabaza”, thuhet në reagimin e Ambasadës Ruse në Republikën e Maqedonisë së Veriut.
Sa i përket punëve të brendshme të Maqedonisë së Veriut, dipomatët rusë nuk kanë ndërhyrë apo vepruar në kundërshtim me Konventën e Vjenës të vitit 1961 për Marrëdhëniet Diplomatike thuhet në reagimin e diplomacisë ruse.
Ambasada Ruse është e bindur se kjo çështje çon në kundërshtim aspiratën e popujve të vendeve tona për bashkëpunim të ndërsjellë të dy shteteve.
”Jemi të bindur se një praktikë e tillë është në kundërshtim me aspiratën e popujve të vendeve tona për bashkëpunim konstruktiv, nuk ka perspektivë dhe çon në degradim përfundimtar të marrëdhënieve dypalëshe”, thuhet në njoftim.
Pala ruse ka njoftuar se do të marrë masa të ndjeshme në përgjigje të këtij hapi, si dhe të shpalljes ”persona non grata” të pesë diplomatëve rusë, më 28 mars të vitit 2022.
Maqedonia e Veriut shpall 5 diplomatë rusë persona non grata