Aktorja e njohur amerikane, Angelina Jolie ka bërë të ditur detaje të hollësishme rreth librit të saj më të ri të titulluar “Know your rights”. Libër i cili është përkthyer edhe në gjuhën shqipe.”
Jolie përmend edhe Kosovën si vend se ku mund të gjejnë librin e saj të shkruar për të drejtat e të rinjve.
Në një postim në rrjetin social “Instagram”, Jolie ka theksuar se libri përpos që është e shkruar në gjuhën angleze, ajo është e përkthyer edhe në gjashtë gjuhë të tjera, duke përfshirë gjuhën shqipe, polake, moldave etj.
Ajo ka thënë se libri është publikuar edhe në Kosovë e Shqipëri.
“Për t’i kërkuar të drejtat tuaja, duhet t’i njihni ato. Neni 42 i Konventës për të Drejtat e Fëmijëve i detyron qeveritë të sigurohen që fëmijët dhe prindërit të jenë të vetëdijshëm për parimet dhe të drejtat e mbrojtura me konventë. Jam e lumtur që libri ynë për të drejtat e të rinjve tani është publikuar në Shqipëri, Kosovë, Poloni, Rumani dhe Moldavi, dhe ua dërgoj respektin tim të gjithë aktivistëve/eve që mbrojnë të drejtat e fëmijëve në rajon dhe që përdorin të drejtën e tyre të jenë të zëshëm”, ka shkruar ajo në Instagram.
