Netflix ka anuluar zhvillimin e “Pearl”, një serial i animuar, i krijuar nga Meghan Markle. Shfaqja e serialit ishte njoftuar në vitin e kaluar, por Netflix ka bërë të ditur se në muajin e kaluar ka zbuluar një rënie të madhe të abonentëve dhe ka paralajmëruar se shumë projekte do të largohen nga ky transmetues.
Projekti i Meghan Markle “Pearl” ka marrë mbi 50 miliardë dollarë nga vlera e tregut të kompanisë, transmeton “BBC NEWS”.
Kompania e formuar nga Duka dhe Dukesha e Sussex, “Archewell Productions” ka njoftuar vitin e kaluar se Meghan do të ishte një producente ekzekutive e “Pearl”.
Seriali ishte planifikuar të përqendrohej në aventurat e një vajze 12 vjeçare, që frymëzohej nga gratë me ndikim në histori.
Megjithatë, Netflix ka konfirmuar se do të vazhdojë të punojë në shumë projekte të “Archewell Productions”, duke përfshirë një seri dokumentarësh të quajtur “Heart of Invictus”.
Seriali “Heart of Invictus” do të fokusohet në atletët që garojnë në “Lojërat Invictus” për vetaranët e lënduar, një skenar i përgatitur nga Princ Harry, në Hagë në vitin 2022.
