Anëtari i Kryesisë së Partisë Demokratike të Kosovës (PDK), Arben Mustafa, i ka reguar deputetit të Lëvizjes Vetëvendosje (LVV), Armend Muja, i cili ka thënë se paga mesatare në Kosovë është 780 euro.
Mustafa përmes një postimi në rrjetin social Facebook ka thënë se edhe nëse ka një rritje të vogël, kjo nuk e kompenson rritjen e çmimeve, ndërsa i ka kërkuar deputetit të LVV-së të flasë edhe për pagat në sektorin privat.
Postimi i tij i plotë:
Kryetari i Komisionit për Buxhet, Armend Muja, paska folur për rritjen e pagave që kinse paska ndodhur gjatë kësaj qeverie.
Ajo që deputeti Muja po e quan rritje të pagave në sektorin publik, nuk ka ka arritur as ta kompensojë rritjen e çmimeve e mos të flasim për përmirësim të pozitës financiare të shërbyesit publik. Madje, paradoksalisht, për disa kategori pagat u zvogëluan në kohën e rritjes së çmimeve.Në anën tjetër, Deputeti do të ishte mirë të na tregoj diçka rreth pagave në sektorin privat, të cilat kanë stagnuar si pasojë e bllokadës që ka pësuar ky sektor gjatë kësaj qeverie.
Përndryshe, të dhënat e fundit qe janë në dispozicion e radhitin Kosovën në nivelin më të ulët të pagës mesatare në rajon.
Gjithashtu Mujës së LVV-së i ka reaguar edhe ish ministrja e ekonomisë njëherit deputetja e Lidhjes Demokratike të Kosovës (LDK) Hikmete Bajrami.
Deputetja Bajrami deklaratën e Mujës e ka konsideruar si “gënjeshtër të radhës” nga pushteti.
Bajrami për deklaratën e Mujës: Paga i është rritur kryeministrit e ministrave por jo qytetarëve
Muja: Paga mesatare në Kosovë është 780 euro, rritje mbi 30% krahasuar me vitin 2019