Policia e Kosovës në rajonin e Prizrenit ka arrestuar 18 persona.
Arrestimi i tyre ka ndodhur në një lokal ku dyshohej për organizim të skemave piramidale dhe bixhoz të paligjshëm.
“Me date 22.11.2024 pas orës 24:00 , pas marrjes së një informate përmes rrugëve operative ,Drejtoria Rajonale në Prizren, patrulla Stacionit Policor të Prizrenit kanë shkuar në lokalin i cili gjendet në rrugën “2 korriku” Prizren, ku dyshohej për organizimin të skemave piramidale dhe bixhoz të pa ligjshëm. Gjatë kontrollit janë hasur tetëmbëdhjetë (18) persona shtetas të Kosovës brenda lokalit”, thuhet në njoftim.
Gjatë kontrollit, policia ka thënë se te njëri nga të dyshuarit është gjet një armë zjarri ndërsa te dy të dyshuar tjerë janë gjetur dy thika.
“Pistoleta, një karikatori me shtatë (7) copë fishekë si dhe dy (2) thika janë konfiskuar nga zyrtarët e krim teknikës të cilat do të përdoren si dëshmi për gjykatë”, thuhet në njoftim.
“Te gjithë personat e dyshuar janë arrestuar dhe janë sjell ne stacioni policor në Prizren ku janë intervistu në bazë të procedurave ligjore dhe me urdhër te Prokurorit te Shtetit iniciohet raste “Organizim i skemave piramidale dhe bixhoz i paligjshëm”, si dhe “Armëmbajtje pa leje” dhe te gjithë te dyshuarit ndalohet 48 orë”.
Rasti është proceduar në Prokurorinë Themelore në Prizren thuhet në njoftim.
