Policia e Kosovës ka bërë të ditur se ka arrestuar dy persona të shtunën mbrëma në Lipjan nën dyshimin për tregti me narkotikë.
Policia ka treguar se rreth orës 20:00 kishte ndaluar një veturë dhe gjatë kontrollit në veturë janë gjetur dhe konfiskuar 10 qese marihuanë, të cilat janë konfiskuar.
Është bastisur edhe shtëpia e njërit të dyshuar. Të dyshuarit janë dërguar në mbajtje për 48 orë.
“Lipjan, 11.01.2025 – 20:00. Janë arrestuar dy te dyshuar meshkuj kosovar pasi që gjatë kontrollit te njëri i dyshuar janë gjetur dhe konfiskuar dhjetë(10) qese te vogla me marihuanë të përgatitura për shitje. Është bastisur edhe shtëpia e të dyshuarit të dytë pasi që dyshohet se i njëjti e kishte angazhuar të dyshuarin e lartcekur për shitjen e narkotikëve. Pas përfundimit te intervistimit me vendim të prokurorit kujdestar, të dyshuarit janë dërguar në mbajtje për 48 orë”, thuhet në raportin e policisë.