Policia e Kosovës ka dhënë detaje lidhur me sulmin fizik ndaj u.d. të drejtorit të minierës së Stan Tërgut.
Në raportin e saj 24-orësh, policia njofton se e ka arrestuar të dyshuarin, pasi për motive të panjohura ka sulmuar fizikisht viktimën.
“SULM NDAJ PERSONIT ZYRTAR Stantërg 09.11.2023-11:05. Është arrestuar i dyshuari kosovar pasi që i njëjti, për motive të panjohura ka sulmuar fizikisht viktimën mashkull kosovar. Viktima ka pësuar lëndime dhe është dërguar për tretman mjekësor në spitalin rajonal, ndërsa i dyshuari pas intervistimit me urdhër të prokurorit është dërguar në mbajtje”, thuhet në raport.
Dje është sulmuar fizikisht në zyrën e tij të punës ushtruesi i detyrës i drejtorit të minierës në Stan Tërg, Bahri Karaqa.
Lexo dhe: Sulmohet fizikisht u.d. i drejtori i minierës në Stan Tërg
Lajmin për Portalin Dukagjini e kishte konfirmuar vetë ai.
“Po, është ardhë më ka sulmuar një në zyre papritmas, m’i ka dhënë do grushte në kokë. Ai është një punëtor i Trepçës. Aktualisht jam në ambulant”, kishte thënë Karaqa.