Policia e Kosovës ka arrestuar një burrë në Pejë nën dyshimin se ka dhunuar një grua, shtetase e huaj.
Në raportin 24-orësh thuhet se dhunimi nga i dyshuari është kryer duke shfrytëzuar gjendjen e keqe shëndetësore të viktimës e cila kishte konsumuar alkool në një lokal nate.
I dyshuari është dërguar në mbajtje.
“Është arrestuar i dyshuari kosovar nën dyshimin se ka kryer veprën e cekur ndaj viktimës femër shtetase e huaj, duke shfrytëzuar gjendjen shëndetësore të viktimës e cila në një lokal nate bashkë me shoqen e saj, kishte konsumuar alkool dhe pastaj i është përkeqësuar gjendja. I dyshuari, u është ofruar kinse për t’i dërguar për ndihmë mjekësore, por i ka dërguar në një lokacion tjetër dhe dyshohet se ka kryer veprën e lartcekur. Me vendim të prokurorit, i dyshuari është dërguar në mbajtje”, thuhet në raportin e PK-së.