Është arrestuar i dyshuari për dhunimin e një të miture në Ferizaj më 22 nëntor.
Raporti 24-orësh i Policisë së Kosovës ka bërë të ditur se viktima është dërguar në IML për ekzaminim dhe se e njëjta, është vendosur në strehimore.
“Është arrestuar i dyshuari mashkull kosovar nën dyshimin se ka kryer marrëdhënie seksuale me të miturën, viktimën femër kosovare. Në lidhje me rastin është konsultuar prokurori me vendim të së cilit i dyshuari është dërguar në mbajtje, ndërsa viktima është dërguar IML për ekzaminim dhe është vendosur në strehimore”, thuhet në raport.
Krahas kësaj, Policia e Kosovës bën të ditur se rasti po vazhdon të hetohet.