Policia e Kosovës ka njoftuar se ka arrestuar një të dyshuar pasi ka goditur me thikë një burrë në oborrin e Emergjencës në Gjilan.
Sipas raportit ditor të PK-së thuhet se viktima si pasojë e lëndimeve të rënda është transportuar në Qendren Klinike Universitare të Kosovës [QKUK] për tretman mjekësor.
“Rr. ‘7 Shatori’-Gjilan,17.09.2024-23:30. Është arrestuar i dyshuari mashkull kosovar pasi i njëjti e kishte goditur me mjet të mprehtë-thikë viktimën mashkull kosovar në oborrin e emergjencës në Gjilan. Si pasojë e lëndimit të rëndë, viktima është transportuar në QKUK-së për tretman mjekësorë. Pas intervistimit, me vendim të prokurorit kujdestar i dyshuari është dërguar në qendrën e mbajtjes”, thuhet në raport.