Bad News Eagles ka fituar ndeshjen ndaj ekipit forZe, me rezultat të përgjithshëm 2:1, kështu duke siguruar pjesëmarrjen në turneun më të madh të CS:GO i cili do të mbahet në Brazil.
Bad News Eagles në një luftë shumë të fuqishme ndaj ekipit rus forZe, ka arritur të triumfoj për të siguruar pjesëmarrjen në turneun më të madh të CS:GO, IEM Rio 2022.
Lojtarët e ekipit nga Kosova arritën që me bashkëpunimin e plotë të dominojnë në ndeshjen vendimtare.
Mapi i tretë i cili është zhvilluar në “Mirage”, ka qenë tejet fantastik nga ana e shqiponjave, duke triumfuar prej raundit të parë me rezultat 16:4.
Mapi i dytë “Anicient” kishte filluar me një rezultat të ulët për BNE por, lojtarët kanë shpërthyer me një rikthim pikësh prej 4:11 duke shkuar në fitore me rezultat 16:12.
One more map 🦅 https://t.co/G2Jyh5aQl3
— BAD NEWS EAGLES (@_badnewseagles) October 8, 2022
Ndërsa, mapi i parë “Vertigo” kishte filluar shumë me sukses për ekipin nga Kosova, por, nuk arritën të fitojnë të gjitha raundet, duke humbur me rezultat 16:13, për ekipin rus forZe.
Ndeshja Bad News Eagles ndaj forZe është zhvilluar në formatin ‘Bo3’, duke filluar nga ora 18:30.
Një përballje të njëjtë dy skuadrat e kanë pasur edhe në kualifikimet e Majorit të kaluar, ku BNE arriti që të fitoi me rezultat 16-7, duke e eliminuar ekipin forZe.
Tani BNE do të jetë në “Challengers Stage”, në Majorin e madh të CS:GO në Brazil me datën 5 nëntor, i cili shpërndan çmime në vlerë prej 1.2 milion dollarë.