Baerbock mbështet kërkesën e Finlandës dhe Suedisë për anëtarësim në NATO

Ministrja e Jashtme gjermane, Annalena Baerbock, ka shprehur angazhimin e saj për t'i mbështetur kërkesat e të dyja vendeve nordike, Finlandës dhe Suedisë, për t'u bërë anëtare të NATO-s

Ministrja e Jashtme e Gjermanisë, Annalena Baerbock

Ministrja e Jashtme gjermane, Annalena Baerbock, ka filluar një vizitë dyditore në Finlandë dhe Suedi, gjatë së cilës, ajo ka thënë se do të shprehë angazhimin e saj për t’i mbështetur kërkesat e të dy vendeve nordike për t’u bërë anëtare të NATO-s.

Baerbock ka vënë në dukje se sulmi i Rusisë ndaj Ukrainës ka shënuar një pikë kthese të rëndësishme për të dyja kombet, derisa ka theksuar se pas 200 vitesh mospjesëmarrjeje në aleancat ushtarake, Finlanda dhe Suedia kanë vendosur të anëtarësohen në NATO.

“Pas 80 vjetësh të politikës së Finlandës, dhe 200 vjetëve të politikës së Suedisë për mospjesëmarrje në aleancat ushtarake, të dyja vendet kanë vendosur të anëtarësohen në NATO”, ka thënë Baerbock.

Dy vendet nordike, Finlanda dhe Suedia, kanë kërkuar anëtarësimin në NATO pas pushtimit rus të Ukrainës në shkurt të vitit të kaluar, dhe, derisa shumica e vendeve anëtare kanë ratifikuar aplikimet e dy vendeve, Turqia ka kundërshtuar kandidaturën e Suedisë.

Turqia, si vend anëtar i aleancës me të drejtë vetoje, ka shtyrë për kohë të pacaktuar bisedimet e anëtarësimit për këto dy shtete.

Suedia është aleati më i afërt mbrojtës i Finlandës. Në rast të një konflikti me Rusinë, me të cilën, Finlanda ndan një kufi prej 1 mijë e 300 km, NATO-s do t’i duhej territori suedez për ta ndihmuar Finlandën të mbrohej. REL

Shija e redaktorit

Hysni Gucati, kryetar i ri i OVL-UÇK-së

Delegatët Kuvendi i pestë zgjedhor i Organizatës së Veteranëve të Luftës së Ushtrisë Çlirimtare të Kosovës, ia kanë besuar një mandat 4 vjeçar Hysni...

Walker: Ajo çka ndodhi në Reçak, ndryshoi Ballkanin

Ish-shefi i Misionit Verifikues të OSBE-së në Kosovë, ambasadori William G. Walker, ka rikujtuar masakrën së Reçakut, duke e cilësuar atë si një moment...

“Reçak: Historia e një krimi lufte”, nga William G. Walker...

Edhe pak ditë na ndajnë nga dita kur libri “Reçak: Historia e një krimi lufte” nga William Walker-i do të shohë dritën e botimit,...

Të fundit nga rubrika