“Për dallim prej kryeministrit, vajza ime është në shkollë publike, ndërkohë i nderuari e ka vajzën në shkollë në Norvegji”, kështu ka thënë deputetja e Kuvendit të Kosovës, Hikmete Bajarmi nga Lidhja Demokratike e Kosovës (LDK).
Tutje, ajo ka reaguar ndaj deklaratës së kryeministrit, ku ka thënë se shteti të jep rrogën për punën që e bën, ndërsa për anëtarët e familjes kujdeset me masa të tjera.
“Kryeministri Kurti po harron që e ka ministre Arbërie Nagavcin, e cila e ka shkelur Kushtetutën e Republikës së Kosovës në Zgjedhjet Lokale të viti 2021, për të penguar reformën në arsim të kryetarit Qëndron Kastrati, me arsyetimin se 50 nxënës nuk po e vijojnë mësimin”, ka deklaruar Bajarami.
Sipas saj, kryeministri së bashku me ministren e Arsimit janë të pabrengosur, derisa 318 mijë nxënës janë jashtë bankave shkollore.
“Unë nuk kam dalë t’i jap mbështetje të plotë sindikatës, sepse edhe kjo që po bëhet është lojë pa fakte, se kinse opozita po e mbështet sindikatën për t’iu kundërvënë kësaj qeverie”, ka shtuar ajo.