Deputetja e LDK-së, Hykmete Bajrami, ka thënë se kryeministri Albin Kurti ka dështuar në “lojën e tij” për instrumentalizimin e opozitës.
Bajrami e ka quajtur Kurtin, “kryeministër të dorëzuar”, derisa ia ka përmendur “dështimet” e tij në qeverisjen e vendit.
“Asnjë banesë për çiftet e reja. Asnjë rrugë e përfunduar. Me dy-tri çerdhe të nisura e 160 të premtuara. Me shtrenjtim të rrymës. Me dështime të njëpasnjëshme në arsim e shëndetësi. Me asnjë rezultat në ekonomi. Me tendera njëburimor për çdo ditë. Tash partia në pushtet është në panik sepse i dështoi nisma për ta instrumentalizuar dhe nënshtruar opozitën me zgjedhje e duke u shitur viktimë”, tha ajo.
Bajrami shtoi se “Në zgjedhje do të shkojmë duke të kërkuar llogari për mashtrimet dhe propagandën dhe jo duke mashtruar se nuk iu la opozita të punoni”.