Kryetari i Partisë Demokratike, Sali Berisha ka komentuar shpalljen e tij person non grata nga Shtetet e Bashkuara të Amerikës(SHBA), dhe Mbretëria e Bashkuar e Anglisë (MB) , ku ka thënë se nuk ka fakte për atë që po akuzohet.
Berisha i ka sfiduar ku ka thënë se, ”nëse del një fakt i vetëm, i them mirupafshim politikës”.
Ish – kryeministri Berisha në takimin me intelektualët, ka sqaruar se, “më 20 maj të vitit 2021, unë në një sallë në këtë hotel kam dalë, s’kisha menduar kurrë se do të sfidoja ndonjëherë sekretarin e SHBA, kurrë, por meqenëse ai kishte firmosur një akt në të cilën unë kisha bindjen absolute se nuk qëndronte asnjë fakt, dola dhe i thashë paraqit çdo fakt, përndryshe do të shkoj në gjykatë”.
Tutje Berisha ka thënë se kush do mund të shkojë në gjykata që të hulumtoje për të por “nuk mund të gjesh dhe s’do të gjesh kurrë asnjë fakt për mua dhe as për fëmijët e mi. Unë kam qenë i këtij kodi dhe sot pas 15 muajsh më gjithë check up-in universal, se kam edhe unë miqtë e mi, kanë gjetur zero. Megjithatë unë vazhdoj të them, një fakt të vetëm po sollët unë i them mirupafshim politikës dhe çdo vendim tjetër. Por, të pranoj një të pavërtetë për të vërtetë, kurrë. E ka thënë Galileo dhe s’mund ta bëjë njeriu i qytetëruar kurrë”.
Sipas kreut të Partisë Demokratike, vendimi për shpalljen non grata të tij nga Mbretëria e Bashkuar është stërvitur nga Tirana, ndërsa ka theksuar se gjithë jetën e tij ka bërë betejë me krimin e kriminelët.
Për Berishën është turp që të tregojë, por ai ka thënë se as në romane nuk e kishte lexuara që një njeri i pafajshëm e i pa dënuar ndonjë herë nga gjykata që të fajësohet për diçka që nuk ka faj dhe ai ka ngritur një pyetje ku ka thënë se a ndonjë qytetarë të një “rastisur të jetë qytetar i Mbretërisë së Bashkuar, i padënuar, i pandëshkuar kurrë në jetën e tij në atë vend të shpallet fajtor”.