Kryeministrja e Serbisë, Ana Bërnabiq, në një konferencë për media pas Samitit të Berlinit, ka bërë të ditur se nuk është optimiste edhe pse janë nënshkruar tre marrëveshje për mobilitetin në Ballkanin Perëndimor në këtë Samit.
Liderët e Ballkanit Perëndimor nënshkruajnë tri marrëveshje në Berlin
Sipas saj BE-ja ka lejuar mosrespektimin e marrëveshjes të mëparshme ndërmjet Serbisë dhe Kosovës.
Bërnabiq shtoi se BE po i detyron që të respektojnë dhe të bëjnë marrëveshje te reja me Kosovën.
Ajo tha se ka folur në Berlin me Josep Borell dhe Miroslav Lajçak për riregjistrimin e targave në Republikën e Kosovës dhe theksoi se Kurti ka shkelur të gjitha marrëveshjet nga viti 2011, 2016 dhe 2021.
Bërnabiq, duke iu përgjigjur pyetjeve të gazetarëve, tha se nuk mund të gjejë forcë për të qenë optimiste kur kanë kaluar gati 10 vjet nga nënshkrimi i Marrëveshjes së Brukselit dhe Bashkimi i Komunave Serbe ende nuk është formuar, njoftojn mediumet serbe.
“Asociacioni i Komunave me shumicë serbe ende nuk ekziston. Kurti tha se nuk do ta zbatojë marrëveshjen e Brukselit, dhe nga ana tjetër po na bëjnë presion që të shkojmë në marrëveshje të tjera apo përfundimtare, si do ta quani ju. kur e para nuk është zbatuar për 10 vjet marrëveshje… Këtu bëhet fjalë edhe për besueshmërinë e BE-së, sepse përveç nënshkrimeve të Serbisë dhe Kosovës , është edhe nënshkrimi i BE-së”, theksoi Bërnabiq.