Pritjet në pikat kufitare për të hyrë në Kosovë, të cilat zakonisht shënojnë rritje gjatë ardhjes së bashkatdhetarëve për festat e fundvitit, këtë të martë duket se kanë rënë ndjeshëm.
Sipas të dhënave të Qendrës Kombëtare për Menaxhimin e Kufirit (QKMK,) të Ministrisë së Punëve të Brendshme, mëngjesin e sotëm situata në pikat kufitare është e qetë, me kohë pritje të shkurtër.
Hyrjet nga Serbia në Kosovë zgjasin vetëm 5 deri në 10 minuta.
Ndërsa në pikën e Merdarës, pritjet janë edhe më të shkurtra, nga 3 deri në 5 minuta.
Raporti i përditësuar nga QKMK në orën 08:00 tregon se edhe në pikat tjera kufitare nuk ka vonesa të theksuara.
