Pika kufitare e Merdarës, e cila zakonisht është ndër më të ngarkuarat për dalje nga territori i Kosovës, nuk është më e rënduar nga fluksi i bashkatdhetarëve që po e shfrytëzojnë për dalje nga territori i Kosovës.
Fluksi i daljeve në këtë pikë kufitare ka rënë ndjeshëm në krahasim me javën që lamë pas.
Sipas të dhënave të Qendrës Kombëtare për Menaxhimin Kufitar, këtë të hënë në mëngjes qytetarët po presin deri në 15 minuta për të kaluar kufirin në Merdarë.
Gjithashtu, pritje deri në 20 minuta janë raportuar në pikën kufitare te Dheu i Bardhë, ndërsa në pikat e tjera kufitare me Serbinë nuk ka kolona apo pritje të gjata.
