Një person ka humbur jetën si pasojë e lëndimeve të marra pas rënies nga një lartësi teksa ishte duke punuar.
Rasti raportohet të ketë ndodhur të hënën e 14 gushtit në Prishtinë.
Sipas raportit 24-orësh të policisë së Kosovës thuhet se me urdhër të prokurorit, trupi i pajetë i viktimës është dërguar për obduksion në Institutin e Mjekësisë Ligjore.
“Viktima mashkull kosovar ka pësuar lëndime vdekjeprurëse, pasi i njëjti duke punuar kishte rënë nga një lartësi dhe kishte pësuar lëndim të rënda trupore. Me urdhër të prokurorit kujdestar, trupi i pajetë dërgohet në IML për obduksion”, thuhet në raport.
Ky rast në raportin e policisë është cilësuar si “hetim i vdekjes”.