Çmimet e Billboard Music 2022 (BBMA), janë mbajtur në Las Vegas në MGM Grand Garden Arena. Aty nuk munguan disa nga emrat më të mëdhenj të muzikës ndërkombëtare, të cilët festuan kryesuesit e listave të vitit në muzikë.
Ceremonia është drejtuar nga Sean John Combs, i njohur si Diddy. BBMA shënuan performancën e parë televizive të Travis Scott-it, që nga tragjedia e Astroworld, me këngën “Mafia”.
Travis Scott dhe Morgan Wallen u kthyen në skenë në Billboard Music Awards 2022. Kjo shënon paraqitjen e parë televizive që këta yje të muzikës kanë bërë që nga polemikat e tyre vitin e kaluar.
Gjithashtu, performanca të paharrueshme janë dhënë nga yje si Megan Thee Stallion, Silk Sonic, Ed Sheeran, Machine Gun Kelly dhe shumë të tjerë, ndërsa fituesit e mëdhenj përfshinin Doja Cat, Glass Animals dhe Mary J. Blige.
Pas performancës së tij të rikthimit, Morgan Wallen, është shpërblyer me Artistin Mashkull Top Country.
Ndërsa, përpara se Mary J. Blige të pranonte çmimin e saj “Icon”, disa nga fansat e saj më të famshëm i treguan asaj se sa shumë do të thotë ajo për ta. Disa nga ‘fansat’ përfshinin muzikantë dhe aktorë si, Ella Mai, Taraji P. Henson, HER, Queen Latifah, Gabrielle Union dhe Missy Elliot.
Si klipi, ashtu edhe fjalimi i Blige, me të cilin ajo e përlotur ka deklaruar se “më në fund gjeta dashurinë e vërtetë, dhe jam unë”, ishin dy nga momentet më prekëse të asaj nate, raporton gazeta komentuese AV Club, transmeton Portali D.
Ndërsa, më pas Diddy i ka dhuruar aktivistes, Tamika Mallory, një çmim të veçantë, çmimin REVOLT Black Excellence Award. Mallory është ndoshta më e njohur si një nga organizatoret e Marshimit të Grave në vitin 2017.
Megjithatë, ajo ishte në ballë të shumë protestave të organizuara në qershor të vitit 2020, që erdhën si një përgjigje e drejtpërdrejtë ndaj vrasjes së George Floyd. Gjersa ia dhuronte Mallory-s çmimin, Diddy i ka thënë asaj, “ti je një nga njerëzit më të patrembur që njoh”.
Në fjalimin e saj të pranimit, Mallory ka theksuar të shtënat e fundit në Buffalo, New York, në mënyrë specifike motivet raciste të autorit, megjithëse i dyshuari është arrestuar.
“Ata nuk e kanë arrestuar urrejtjen, dëmin dhe dhimbjen. Përfshihuni. Luftoni për drejtësi”, ka thënë Mallory.
Mari Copeny, e njohur ndryshe si Little Miss Flint, ishte e nderuara këtë vit në Billboard Changemaker. Gjatë kohës së saj në skenë, Copeny ka përdorur platformën e saj për të mbajtur një fjalim plot pasion në mbështetje të Roe kundër Wade, dhe për t’iu kujtuar njerëzve se dekada më vonë, Flint nuk ka ujë të pastër.
Pasi Megan Thee Stallion kishte fituar çmimin Billboard për artisten më të mirë rep ‘Top Rap Female Artist’, ka dalë në skenë për t’i performuar hitet e saj “Plan B” dhe “Sweetest Pie”.
Ndërkaq, pak më shumë se një muaj pasi fitoi Grammy-n e saj të parë, këngëtarja Doja Cat, mori çmimin Billboard Music për Artisten më të mirë R&B. Çmimi i është dorëzuar asaj nga City Girls JT dhe Yung Miami.
Lista me fituesit kryesor të ceremonisë, ku çmimin për Top Artist e mori reperi Drake, ndërsa të nominuar ishin, Olivia Rodrigo, Taylor Swift, The Weeknd, Doja Cat. Po ashtu, çmimin për Top New e mori Olivia Rodrigo. Këta dy artistë ishin duke kryesuar me çmime në këtë ceremoni.
Gjithashtu, këngëtarja shqiptare Dua Lipa, mori çmimin e TOP RADIO SONG me këngën, “Levitating”.
That trophy looks good on you @DUALIPA 🏆🤍 Congrats on already winning Top Radio Song for “LEVITATING” and Top Dance/Electronic Song for “Cold Heart – PNAU Remix” with @eltonofficial! #BBMAs pic.twitter.com/iiZGnU0zPv
— Billboard Music Awards (@BBMAs) May 15, 2022
Justin Bieber, Kanye West dhe Olivia Rodrigo ishin në garë për 13 nominime.
Drake kishte 11 shanse në disa nga kategoritë më të mëdha, duke përfshirë artistin më të mirë, artistin më të mirë mashkull, artistin më të mirë të Billboard 200 dhe artistin më të mirë të Hot 100. Drake ishte gjithashtu në kategorinë e albumeve Billboard 200 për “Certified Lover Boy”.
Dua Lipa dhe Ed Sheeran janë pas tij me nëntë nominime.
Në Billboard Music Awards 2022, morën pjesë edhe disa yje me dukjen e tyre më të mirë.
Një nga të dalluarit, që fansat dhe mediat nuk ngopeshin fotografi ishte Kylie Jenner me Travis Scott dhe vajza e tyre Stormi, të cilët së bashku kaluan në tapetin e kuq.
Billboard Music Awards është ndër vlerësimet më të mëdha ndërkombëtare në industrinë e muzikës. Çmimi nderon talentët e jashtëzakonshëm të industrisë që kanë dhënë këngë dhe albume vitin e kaluar.