Miratimin e avancimit të statusit të Kosovës nga anëtare vëzhguese në anëtare të asocuar, zëvendëskryeministri i Kosovës, Besnik Bislimi, e ka quajtur lajm të mirë.
Me anë të një postimi në “X”, Bislimi tha se Qeveria e Kosovës do të vazhdojë të punojë drejt anëtarësimit të plotë në këtë organizatë.
“Kuvendi Parlamentar sot votoi pro dhënies së statusit të Kosovës anëtare të asociuar. Ky është një lajm i shkëlqyer për popullin tonë dhe Republikën tonë. Ne do të vazhdojmë të punojmë drejt anëtarësimit dhe integrimit të plotë në organizatë”, shkroi Bislimi.
Advanced status in @NATO for
.
The Parliamentary Assembly today voted in favor of granting Kosova associate member status. This is excellent news for our people & our Republic. We will continue working towards full membership & integration in the organization.
— Besnik Bislimi (@BislimiBesnik) May 27, 2024
Ndryshe, Asambleja Parlamentare e NATO-s e ka miratuar të hënën rekomandimin për avancim të statusit të Kosovës nga anëtare vëzhguese në anëtare të asocuar.
Shumica e vendeve kanë votuar për, një votë ka qenë kundër dhe 14 vende tjera kanë abstenuar, në takimin e Asamblesë që po mbahet në Sofje të Bullgarisë.