Zëvendëskryeministri i Kosovës, Besnik Bislimi, e ka quajtur hap pozitiv që Kosova ka kaluar votimin në Komitetin e Asamblesë Parlamentare të Këshillit të Evropës.
Siç ka theksuar Bislimi, ky është një lajm i mirë për vendin, demokracinë dhe vlerat evropiane.
“Komisioni i Çështjeve rekomandoi që Kosova të ftohet për t’u bërë anëtar. Ky është një hap i rëndësishëm. Anëtarësimi ynë në Këshillin e Evropës do të ishte një lajm i mirë për ne, për demokracinë dhe vlerat evropiane”, ka shkruar Bislimi në platformën X.
Positive update in our path towards @coe. In today’s meeting, @PACE_Political Affairs Committee recommended for 🇽🇰 to be invited to become a member. This is an important step. Our membership in the Council of Europe, would be good news for us, for democracy, and European values.
— Besnik Bislimi (@BislimiBesnik) March 27, 2024
Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur kushtet për t’u bërë anëtare e plotë e Këshillit të Evropës.
Raporti është votuar me 31 vota për, 4 kundër dhe 1 abstenim.
Këtë e ka konfirmuar zëvendësministri i Punëve të Jashtme, Kreshnik Ahmeti, i cili ka theksuar se të gjitha propozimet që të vendosen parakushte të reja janë refuzuar nga shumica e anëtarëve të Komitetit, gjë që tregon se Kosova duhet të bëhet anëtare në maj të këtij viti dhe parakushtet e reja do të ishin të padrejta.