Bad News Eagles, janë vetëm duke vazhduar të bëjnë krenar Kosovën duke e prezantuar me fitore në turneun më të madh të CS:GO, në qytetin Antwerp të Belgjikës, edhe kësaj radhe kundër skuadrës nga Brazili, BIBR.
Ekipi nga Kosova, tani është kualifikuar në fazën ‘Legends Stage’, të PGL Antwerp Major.
BNE, kanë përfunduar lojën në rezultat 2:1, me fitore, ndërsa, në mapin e parë 16-13 për ekipin brazilian, në mapin e dytë 16-8 për BNE-n dhe në mapin e tretë 16-11.
BNE, fitues të tetë raundeve radhazi në mapin e parë duke i lënë me zero në fillim të lojës, transmeton Portali D.
BNE, tani me shumë meritë ka arritur të shkojë në fazën tjetër të PGL Antwerp Major, ‘Legends Stage’.
Bad News Eagles (BNE), kanë֝ qenë që në fillim të lojës të egërsuar për fitore, duke e lënë në zero në raundet e para ekipin Brazilian.
Rigon “rigoN” Gashi, menjëherë pas fillimit të ndeshjes në raundin e parë, u bë ai i cili përmbylli raundin me një gjuajtje luftarake me gjashtë plumba, ku arriti të eliminoj katër lojtarë të ekipit MIBR me lehtësi.
🕺6 bullets, 4 kills🕺
🦸@rigoNcs #PGLMajor pic.twitter.com/GvJpT1cSvp
— PGL (@pglesports) May 12, 2022
Kjo ishte njëra ndër ndeshjet më të rëndësishme në karrierën e tyre të CS:GO, duke u përballur me ekipin brazilian MIBR të cilët renditen në vendin e 25-të në ranglistën botërore.
Ndeshja është zhvilluar në formatin ‘Bo3’, dhe Bad News Eagles, fituesi i kësaj ndeshje do të kualifikohet për në fazën tjetër të PGL Antwerp Major, e cila do të zhvillohet me audiencë të drejtpërdrejtë.
Ekipi BNE tani do të ketë mundësin të luaj me ekipet më të mira të botës, siç janë FaZe dhe Na’Vi.
Ndërsa, ekipi humbës BIBR, nga sot është eliminuar nga turneu më i madh i CS:GO.
Më shumë se 250 mijë shikues nga e mbarë bota po e shohin ndeshjen e ekipit shqiptar në kanalet e platformës Twitch.
Ndeshja e tyre e radhës do të zhvillohet duke filluar nga data 14 maj.
Paraqitje të jashtëzakonshme treguan të gjithë lojtarët e ekipit nga Kosova, por lojtari më i vlefshëm i ndeshjes u shpall Rigon ‘rigoN’ Gashi, me 75 eliminime dhe 58 vdekje, me vlerësimin nga HLTV 1.44.
Statistikat e të pesë lojtarëve gjatë ndeshjes kundër ekipit brazilian, MIBR:
Rigon ‘rigoN‘ Gashi, 75 eliminime, 58 vdekje, vlerësimi nga HLTV 1.41. Dionis ‘sinnopsyy‘ Budeci, 61 eliminime, 60 vdekje, vlerësimi nga HLTV 1.10. Genc ‘gxx-‘ Kolgeci, 50 eliminime, 45 vdekje, vlerësimi nga HLTV 1.08. Sener ‘SENER1‘ Mahmuti, 47 eliminime, 45 vdekje, vlerësimi nga HLTV 1.02. Flatron ‘juanflatroo‘ Halimi, 51 eliminime, 50 vdekje, vlerësimi nga HLTV 0.94.