Synim e ka titullin e kampionit dhe për të arritur këtë do e shkrijë çdo atom në ring.
Boksieri nga Kosova, Altin Zogaj, të shtunën mbrëma do të përballet me Armenak Hovhannisyan ndaj të cilit e kërkon fitoren në mënyrë që të mund të mund të boksojë në qershor – për titullin Kampion i Evropës.
Kundërshtari nuk është aspak i lehtë, sepse ai është kampion në federatën botërore WBA dhe e mban brezin e WBA Contintal Champion, po ashtu është kampion në federatën botërore WBC dhe e man brezin WBC Asian Boxing Council Continental.
Por, për Zogaj-n nuk ka opsion tjetër përveç fitores dhe për këtë është duke u përgatitur maksimalisht që tre muaj.
Altini ka shifra të “frikshme” , pasi në kategorinë 79.3 kilogramë (gjysmë të rëndë) ka regjistruar dhjetë fitore, dhe të gjitha i ka arritur me KO.
Meçi i 29 vjeçarit do të transmetohet në Radio Televizionin e Kosovës, të shtunën rreth orës 22:40.
Në të njëjtën mbrëmje – do të boksojë edhe boksieri tjetër nga Kosova, Festim Kryeziu me nofkën “Timo Schwarzkopf”.