Kryeministri i Britanisë së Madhe, Boris Johnson, ka thënë se është e rëndësishme që Britania të vazhdojë të tregojë se po e mbështet Ukrainën për një kohë të gjatë, duke paralajmëruar për rrezikun e “lodhjes së Ukrainës” teksa lufta zvarritet.
“Rusët janë duke kërcyer përpara centimetër pas centimetri, dhe është jetike për ne që të tregojmë atë që dimë të jetë e vërtetë, që është se Ukraina mund të fitojë dhe do të fitojë”, u tha Johnson gazetarëve pas mbërritjes së tij në Britani nga një vizitë në Kiev.
Disa anëtarë të partisë së tij Konservatore e kishin kritikuar atë për udhëtimin, për shkak të mospjesmarrjes së tij në një konferencë në Anglinë veriore.
“Kur lodhja e Ukrainës po fillon, është shumë e rëndësishme të tregojmë se jemi me ta për një kohë të gjatë dhe po u japim atyre qëndrueshmërinë strategjike që u nevojitet”, ka thënë Johnson.
Kryeministri britanik dhe presidenti ukrainas, në takimin e 18 qershorit kanë diskutuar për luftën e vendit kundër Rusisë, si dhe ofrimin e një programi të madh trajnimi për forcat ukrainase.