Gjykata e Bosnjës dhe Hercegovinës(BeH) ka kërkuar lëshimin e një fletarresti ndërkombëtar për Presidentin e Republikës Srpska(RS), Milorad Dodik dhe Kryetarin e Asamblesë Kombëtare të RS, Nenad Stevandiq, pasi kanë kaluar kufirin shtetëror.
Gjithashtu për Dodikun dhe Stevandiq gjykata boshnjake ditë më parë kishte lëshuar një urdhër arrest të brendshëm.
Gjykata e BeH deklaroi se më 26 mars, ata morën një propozim nga Prokuroria e BeH për të lëshuar një urdhër arresti ndërkombëtar për të dyshuarit Milorad Dodik dhe Nenad Stevandiq.
“Bazën për nxjerrjen e të njëjtës, në propozimin që u pranua, Prokuroria me të drejtë e ka nxjerrë nga veprimet e dukshme të ndërmarra nga të dyshuarit Dodik dhe Stevandiq, të cilët, duke shfrytëzuar pozitat e tyre të larta në entin Republika Srpska, kanë shmangur procedurat e përcaktuara me ligj të kontrollit kufitar, kanë kaluar kufirin shtetëror dhe kanë dalë nga Bosnja ”, raporton N1 përcjell Dukagjini.
I dyshuari Dodik aktualisht ndodhet në Izrael, ndërsa i dyshuari Stevandiq, duke iu shmangur kontrolleve të përcaktuara me ligj, madje është kthyer në BeH më 18 mars 2025, gjë që tregon gjasat që ata në çdo moment të jenë jashtë vendit.
“Kjo është baza për të vepruar në përputhje me nenin 446, paragrafi 2, i KPP-së së BiH-së dhe lëshimi i një urdhri për lëshimin e një urdhër-arresti ndërkombëtar, të cilin Gjykata e lëshoi ,” thanë ata.
Gjykata vëren se lëshimi i një urdhër-arresti është brenda juridiksionit të NCB-së së Interpolit.