Brad Pitt ka bërë debutimin e tij si skulptor, në një shfaqje në grup në Muzeun e Artit Sara Hildén në Tampere, Finlandë. Veprat artistike të aktorit të famshëm shfaqen së bashku me ato të muzikantit Nick Cave dhe artistit Thomas Houseago për ekspozitën “We”, e hapur deri më 15 janar 2023.
Ndër nëntë veprat e Pitt në shfaqje janë edhe një strukturë në formë shtëpie në silikon të pastër dhe e qëlluar me plumba, dhe skulptura e tij e parë ndonjëherë, nga viti 2017, “House A Go Go”: një shtëpi miniaturë 18 inç e bërë nga lëvorja e pemëve, copat e së cilës mbahen në mënyrë të vrazhdë së bashku me shirit, shkruan CNN.
Pjesët më të mëdha të veprave përfshijnë një kuti bronzi me madhësi arkivoli që përshkruan duart, këmbët dhe fytyrat që përpiqen të depërtojnë strukturën në kënde të ndryshme, dhe skulpturën e varur në mur e quajtur ” Aiming At You I Saw Me But It Was Too Late This Time”, nga viti 2020, i cili përshkruan një përleshje me armë midis tetë figurave.
Ylli i filmit “Bullet Train” thuhet se filloi të bënte art në qeramikë, pas divorcit të tij nga aktorja Angelina Jolie, në vitin 2017.
Pitt nuk është aktori i parë që i ka kthyer dorën artit. Nga Pierce Brosnan te Sylvester Stallone dhe Jim Carrey, të pasurit dhe të famshëm shpesh kanë kërkuar mundësi të reja krijuese për të plotësuar punën e tyre ditore. Verën e kaluar, Johnny Depp fitoi më shumë se 3.6 milionë dollarë në pak orë pasi publikoi 780 printime përmes galerisë Castle Fine Art në Londër, të cilat u shitën pothuajse menjëherë, sipas galerisë.
