Bërnabiq i drejtohet Von Cramon-it si “eksperte e përgjithshme”

Raportuesja për Kosovën në Parlamentin Evropian, Viola von Cramon, ka thënë se kërkesa e Serbisë për kthim të ushtarëve dhe sulmet ndaj EULEX-it, janë krejtësisht të papranueshme.

Kështu ka reaguar ajo, përmes një postimi në Twitter, teksa ka theksuar se rivendosja e paqes në veri duhet të jetë prioritet.

Pas këtij postimi, ka reaguar kryeministrja e Serbisë, Ana Bërnabiq, e cila ka thënë se më në fund ka ardhur njoftimi i shumëpritur nga “Sekretarja e Përgjithshme e rremë e OKB-së”.

Tutje, Bërnabiq ka theksuar se raportuesja për Kosovën në Parlamentin Evropian, Viola von Cramon, ka marrë rolin edhe të “Komandantit të Përgjithshëm të KFOR-it”, “Ekspertit të Përgjithshëm për të gjitha çështjet – nga Lithium në EuroPride”, dhe “Kryembrojtës i sundimit të ligjit dhe të drejtave të njeriut”.

Finally, long awaited announcement from the fake Secretary General of the UN @ViolavonCramon, who also assumed the role of KFOR Commander in Chief, General Expert on all matters – from Lithium to EuroPride, and Chief Defender of the rule of law & human rights (Serbs excluded).1/6 https://t.co/7dFPiZamk0

— Ana Brnabic (@anabrnabic) December 12, 2022