Canaj: VV s’do të fitojë më shumë, ka dështuar

Ish-diplomati Blerim Canaj, ka thënë se Lëvizja Vetëvendosje nuk do të arrijë të fitojë më 50 për qind të votave në zgjedhjet e radhës dhe se të njëjtës do t'i duhet një partneritet i koalicionit

Ish-diplomati Blerim Canaj ka thënë se Lëvizja Vetëvendosje nuk do të arrijë të fitojë më 50 për qind të votave në zgjedhjet e radhës, sepse sipas tij, kjo parti ka dështuar.

Në emisionin “Five” në RTV Dukagjini, Canaj ka thënë se VV do t’i duhet një partneritet i koalicionit.

“Në zgjedhjet eventuale është që VV më nuk do të jetë në gjendje që ta bëjë qeverinë e vetme, do t’i duhet një partner i koalicionit. Ne po e shohim çdo ditë disponimin e popullit… është e pamundur që të fitohet prapë mbi 50 për qind me këto dështime në çdo sferë, gjithçka që ka premtuar Kurti në fushata zgjedhore, asgjë nuk është realizuar, fare”,  tha ai.

Sa i përket takimit të kryetarit të Partisë Demokratike të Kosovës me kryeministrin Albin Kurti, Canaj thotë se pranimi i ftesës për takim ishte përgjigje ndaj asaj që kjo parti opozitare nuk i ik zgjedhjeve.

“Nëse nisemi nga ajo që PDK apo Krasniqi vazhdimisht kanë kërkuar zgjedhje, duket sikur ka qenë një përgjigje ndaj asaj që në zgjedhjeve edhe më tutje nuk i ikim. Strategjikisht, ndoshta do të ishte gabim për shkak se zgjedhjet eventuale do të mund ta mbulonin dështimin e qeverisë… Takimi i kryetarit të PDK-së është më shumë se ne nuk i ikim zgjedhjeve. Nuk e besoj që PDK funksionon si patericë, ta trajtosh si patericë më duket pak si më e tepërt”, shtoi ai.

Shija e redaktorit

Hysni Gucati, kryetar i ri i OVL-UÇK-së

Delegatët Kuvendi i pestë zgjedhor i Organizatës së Veteranëve të Luftës së Ushtrisë Çlirimtare të Kosovës, ia kanë besuar një mandat 4 vjeçar Hysni...

Walker: Ajo çka ndodhi në Reçak, ndryshoi Ballkanin

Ish-shefi i Misionit Verifikues të OSBE-së në Kosovë, ambasadori William G. Walker, ka rikujtuar masakrën së Reçakut, duke e cilësuar atë si një moment...

“Reçak: Historia e një krimi lufte”, nga William G. Walker...

Edhe pak ditë na ndajnë nga dita kur libri “Reçak: Historia e një krimi lufte” nga William Walker-i do të shohë dritën e botimit,...

Të fundit nga rubrika