Ministri i Kulturës, Hajrullah Çeku, i është drejtuar me letër autoreve të Kishës Ortodokse Serbe në Kosovë për bashkërendim e veprimeve për restaurimin e dëmeve në Manastirin e Banjskës, në Zveçan, ku mbeti një polic i vrarë.
Çeku ka thënë se zotimin e dhënë në mbledhjen e Qeverisë më 27 shtator për sanimin e dëmeve po e konkretizojnë me shkrese zyrtare.
“Zotimin e dhënë në mbledhjen e Qeverisë së Kosovës të datës 27 shtator 2023 për sanimin e dëmeve në Manastirin e Banjskës në Zveçan, të shkaktuara nga sulmi terrorist i datës 24 shtator, po e konkretizojmë më shkresën zyrtare drejtuar Dioqezës Rashkë – Prizren. Konform detyrimeve, autorizimeve kushtetuese dhe ligjore ftojmë autoritetet e Kishës Ortodokse Serbe në Kosovë për bashkërendim të veprimeve deri në ndërhyrjet e nevojshme restauruese për sanimin e dëmeve në këtë aset të trashëgimisë kulturore”, ka shkruar Çeku.
