Vlora Çitaku, Sekretare e Përgjithshme e Partisë Demokratike të Kosovës (PDK), në emisionin ‘Debat Plus’ në RTV Dukagjini ka thënë se kandidati i PDK-së për kryeministër, Bedri Hamza qoftë gjatë kësaj fushate zgjedhore edhe nga nominimi i tij për kryeministër por edhe gjatë tërë karrierës së tij nuk ka as edhe një rast të vetëm që ka fyer apo sharë ndokënd.
‘’…nuk mund ta gjeni asnjëherë një rast të vetëm ku zotëri Hamza ka fyere, sharë, ka përbuzur, ka linquar. Zotëri Hamza është figura më depolarizuese, më përbashkuese’’ ka thënë ajo duke shtuar se ai mund ta nxjerr vendin nga ‘moçali i vrazhdë në të cilin jemi zhytur si klasë politike por edhe si diskurs publik në përgjithësi’.
‘’Po besoj që Kosova ka nevojë për një njeri të matur[siç është Bedri Hamza], një njeri profesionist dhe një njeri i cili ka plan, di çfarë të ofroj, di çfarë të bëjë dhe është përgjigjja më e mirë për nevojat e familjes kosovare sot’’, ka thënë ajo.