Çitaku në Hagë, viziton ish-krerët e UÇK-së

Nënkryetarja e PDK-së, Vlora Çitaku, pas vizitës që iu ka bërë në Hagë ish-krerëve të UÇK-së, ka thënë se procesi gjyqësor pritet të fillojë së shpejti, teksa ka shprehur besimin e saj se drejtësia do të ngadhënjejë "përpallë shpifjeve dhe inskenimeve"

Nënkryetarja e Partisë Demokratike të Kosovës (PDK), Vlora Çitaku, së bashku me disa zyrtarë të PDK-së, të premten kanë vizituar ish-krerët e UÇK-së, Hashim Thaçi, Kadri Veseli dhe Rexhep Selimi, të cilët po mbahen në paraburgim në Hagë nga Gjykata Speciale.

“Sot bashkë me Bekimin, Artanin e Arlindën e vizituam Presidentin Thaçi. Shkurt takuam edhe Kadriun dhe Rexhën. Si gjithmonë, i gjetëm me disponim të mirë. Plot besim në drejtësi”, ka shkruar Çitaku në Facebook.

Ajo ka thënë se beteja të cilën Krasniqi, Thaçi, Veseli e Selimi e kanë para vetës, është “betejë për të kaluarën dhe të ardhmen tonë si komb”.

“Por nuk ka dilemë se maskat do të bien, dhe luftëtarët tanë do të kthehen fitimtarë. Vetëm njerëzit e jashtëzakonshëm ballafaqohen me sfida të jashtëzakonshme”, ka vijuar ajo.

Teksa ka thënë se procesi gjyqësor pritet të fillojë së shpejti, ka shprehur besimin e saj se  drejtësia do të ngadhënjejë “përpallë shpifjeve dhe inskenimeve”.

Shija e redaktorit

Ushtria amerikane numër 1 në botë, FSK e fundit në...

Kosova është me fat, sepse miku më i madh i saj, Shtetet e Bashkuara të Amerikës mbeten bindshëm larg fuqia më e madhe ushtarake...

Shtëpia botuese “Dukagjini” nesër promovon librin “Aneta: një epos heroinash”...

Për të gjithë ju, dashamirë të librit, ju njoftojmë që shtëpia botuese “Dukagjini, më datë 21 shkurt, ditën e premte, në orën 18:00, në...

Rama uron Kurtin me rastin e 17-vjetorit të shpalljes së...

Kryeministri i Republikë së Kosovës, Albin Kurti ka pranuar urime nga Kryeministri i Shqipërisë, Edi Rama me rastin e 17-vjetorit të shpalljes së Pavarësisë...

Të fundit nga rubrika