Çmimet në banderolat e barnave, të mira për pacientët por jo farmacistët

Me hyrjen në fuqi të ligjit për unifikim të çmimit të barnave, medikamentet do ta kenë të vendosur çmimin në banderole. Ky vendim ka dy javë që ka nisur të zbatohet në disa barnatore të kryeqytetit e që në të cilat, mbesin ende stoqe të tëra barnash, pa banderolë të çmimeve. Farmacistët ankohen se nuk patën një periudhë mjaftueshëm tranzicioni ndërsa nga Shoqata për të drejtat e pacientëve thonë se kjo do t’ua lehtësoj barrën

Është i njëjti produkt por në këto dy paketime të medikamentit për hipertension “Lorista”, dallimin e bën përmbajtja e banderolës.

Në të djathtë është banderola, e cila ka kohë që vendoset në kutitë e paketimit ndërsa në të majtë, është banderola e re e cila tashmë përmban edhe çmimin e produktit.

Çmimi i vendosur në të tregon çmimin e miratuar nga ligji duke treguar kështu, të vetmin çmim me të cilin mund t’iu shitet klientëve.

Megjithatë, barnatoret ende mbesin të mbushura me stoqe të barnave me banderola të vjetra.

“Forma dhe koha në të cilën ka filluar të zbatohet ka qenë shumë e shkurt dhe mënyra se si ka filluar të vendosë çmimet, tash ka filluar të reflektojë. Disa çmime janë zvogëluar por disa, fatkeqësisht janë shtrenjtuar dukshëm. Kemi diferencë me çmimet e regjionit. Dje kemi marrë çmimet e kompanisë “Krka” në Slloveni por fatkeqësisht, Llupilli psh nga 2 e gjysmë sa ka qenë, tek ne është tani 4.90. Kjo na dëmton e ka krijuar mungesë të ilaqeve që po vërehet edhe në institucionet publike”, ka deklaruar Gzonit Salihaj, farmacist.

Salihaj thotë se shtetet e tjera kishin periudha disa vjeçare për këtë tranzicion ndërsa përpjekja një-mujore në Kosovë, do çoj në dëme financiare.

“Kostoja e furnizimit më herët ka qenë më e lartë në disa artikuj dhe në këtë rast, i bie që artikujt duhet të shihen me koston e paraparë tash, që nuk kanë mundësitë financiare t’i shesin e që është e kundërlogjshme me ATK-në. Nëse kam një artikull me 100 copa dhe kolegu tjetër i ka pasur 5 copa, atij ju ka shpenzu sasia por mua jo. Ndoshta atë e kanë marrë me 50% ma lirë. Momentin që e ka marrë me 50% pacienti aty, ka për të kërkuar ta marrë edhe tek unë”, ka theksuar ai.

Por, vendosja e çmimit është mirëpritur nga Shoqata e të Drejtave të Pacientëve.

“Në parim është shumë e mirë sepse ka për të rritur transparencën dhe do të mbajë në kontroll çmimin e barnave. Uroj që të funksionojë sepse është shumë e mirë për pacientët”, ka deklaruar Besim Kodra, Shoqata e të Drejtave të Pacientëve.

Televizioni ka provuar të marrë përgjigje nga Agjencia e Kosovës për Produkte dhe Pajisje Medicinale dhe njëheri edhe nga Ministria e Shëndetësisë rreth inspektimeve dhe fazave se ku mbetet vendosja e banderolave me çmim në të gjitha produktet. Por nga asnjëra, nuk ka pranuar përgjigje.

Shija e redaktorit

340 mësimdhënës të gjuhës angleze certifikohen për aftësitë e tyre...

Shtëpia botuese “Dukagjini”, në bashkëpunim me shtëpinë botuese “Pearson Education”, mbajti serinë e Webinareve "Challenging Traditional Methods: UNDERSTANDING AI-DRIVEN INNOVATIONS IN LANGUAGE TEACHING” për...

Dukagjini” dhe “Pearson” mbajnë webinarët ndikimin e IA-së në mësimdhënie...

Shtëpia botuese “Dukagjini”, në bashkëpunim me shtëpinë botuese “Pearson Education”, mbajti serinë e Webinareve "Challenging Traditional Methods: UNDERSTANDING AI-DRIVEN INNOVATIONS IN LANGUAGE TEACHING” për...

Osmani konfirmon njohjen nga Kenia

Republika e Kenias është bërë shteti i 118-të që ka njohur zyrtarisht pavarësinë dhe sovranitetin e Republikës së Kosovës, përmes një vendimi të firmosur...

Të fundit nga rubrika