Deputeti i zgjedhur nga komuniteti turk, Fikrim Damka, ka deklaruar se komuniteti turk do të jetë pjesë e Qeverisë Kurti 3, por se ende nuk janë caktuar pozitat që do t’i takojnë këtij komuniteti.
Ai sqaroi gjithashtu se një bisedë që qarkulloi mes mediave për një propozim për zv.ministra dhe nënkryetarë të pakicave “nuk ka qenë mesazh i tij, por një keqkuptim”.
“Kemi pasur diskutime për nënkryetarin e pakicave jo-serbe, ka pasur debate për atë pozitë, por nuk ka pasur debat për zv.ministra apo pozita të tjera. Ka qenë një keqkuptim. Nuk ka qenë mesazh i telefonit tim, ka qenë i dikujt tjetër”, ka deklaruar Damka.
Ai theksoi gjithashtu se për momentin nuk janë caktuar pozitat që do të merrte komuniteti turk, por do të diskutohet në ditët në vijim për të vendosur se cilat pozita do të takojnë këtë komunitet në Qeverinë e re.
“Ne do ta votojmë Qeverinë Kurti 3. Ende nuk e kemi caktuar se cilën pozita do ta marrim, por besoj se komuniteti turk do të jetë pjesë e qeverisë”, ka shtuar ai.
Damka gjithashtu e mohoi informacionin që ka të dhëna për mundësinë e marrjes së një ministrie nga Duda Balja, duke theksuar se nuk janë ende të caktuara ndonjëherë për këtë çështje.