Të shtunën e 17 qershorit, Departamenti Amerikan i Shtetit (DASH) ka dalë me një deklaratë të re lidhur me situatën në veri të Kosovës pas kidnapimit të tre pjesëtarëve të Policisë së Kosovës nga forcat serbe.
Pas kësaj deklarate ka reaguar dhe deputetja e parlamentit të Britanisë së Kosovës, Alicia Kearns.
Ndëshkimin vetëm për Kosovën, Kearns e ka cilësuar si hipokrizi.
“E mirëpres konfirmimin e SHBA-ve për ndalimin e paligjshëm të tre policëve kosovarë për ‘akuza të rreme’. Ndryshe nga vendimi i Kurtit për kryetarët e komunave, ky është një akt i kundërligjshëm. Por, ndëshkim i shpejtë vetëm për Kosovën? Si çelësi i depërshkallëzimit, sanksionet mund të mos ndihmojnë, kjo është një hipokrizi”, ka shkruar Kearns.
Welcome US confirming illegal detention of 3 Kosovar police on “spurious charges”.
Unlike Kurti’s decision on Mayors’ offices this is an illegal act.
Yet swift punishment only for Kosovo?
As de-escalation key, sanctions may not help, but I call out hypocrisy & lack of balance. https://t.co/X9Zh5VF5DW
— Alicia Kearns MP (@aliciakearns) June 17, 2023
Departamenti amerikan i Shtetit (DASh) i ka bërë thirrje presidentit serb, Aleksandër Vuçiq dhe Qeverisë së Serbisë që “t’i lirojnë pa kushte tre policët e Kosovës të arrestuar më 14 qershor”.
Në një njoftim të DASh-it, theksohet se arrestimi dhe ndalimi i tyre nën akuza të pabaza ka përkeqësuar situatën tashmë të tensionuar.
“I bëjmë thirrje presidentit Vuçiq dhe Qeverisë së Serbisë që menjëherë dhe pakushte të lirojnë tre policët e Kosovës, të ndaluar më 14 qershor. Arrestimi i tyre dhe vazhdimi i mbajtjes nën akuza të pabaza ka përkeqësuar situatën edhe ashtu të tensionuar.”, thuhet në njoftim.