Një objekt afarist është përfshirë nga zjarri duke shkaktuar dëme të mëdha materiale në fshatin Suhodoll të Graqanicës , bën të ditur Policia e Kosovës.
Përmes raportit 24-orësh, bëhet e ditur se si pasojë e zjarrit, janë djegur dy vetura, dy makina pune, disa mjete dhe pajisje të tjera.
“Është raportuar se nga zjarri ishte përfshirë një objekt afarist pronë e viktimës mashkull kosovar. Si pasojë e zjarrit ishin djegur dy vetura, dy makina pune, disa mjete dhe pajisje të tjera, ku vlera e dëmit të shkaktuar nga zjarri vlerësohet të jetë e madhe. Në vendin e ngjarjes kanë dalë të gjitha njësitë relevante të policisë dhe zjarrfikësit të cilët e kanë shuar zjarrin. Lidhur me rastin është njoftuar prokurori i cili e ka cilësuar rastin dhe vazhdon të hetohet”, thuhet në raport.
Ngjarja ka ndodhur rreth orës 14:30, të enjten.