Deputetja britanike, Alicia Kearns ka thënë se është jetike për sigurinë në Ballkan dhe Evropë që të mos lejohen akterët armiqësorë të rindezin konfliktin në Kosovë.
Kearns përmes një postimi në rrjetin social “Facebook” ka shkruar se është takuar në Britani me presidenten e Kosovës, Vjosa Osmani gjatë Samitit në Mbretërinë e Bashkuar.
“Gjithmonë kënaqësi të takohem me presidenten e Kosovës, Vjosa Osmani, për të diskutuar për sigurinë dhe stabilitetin në Ballkan dhe Evropë. Ajo është me të vërtetë një fuqi dhe është jetike që të mos lejojmë akterët armiqësorë ta rindezin konfliktin në Kosovë”, ka shkruar Kearns në Facebook.
Presidetnja, Vjosa Osmani në Britani mori pjesë në Samitin e Komunitetit Politik Evropian dhe në kuadër të tij u takua me shumë përfaqësues të shteteve evropiane.