Dëshmitari i 16 në Gjykatën Speciale është duke dëshmuar në rastin Thaçi dhe të tjerët. Ai ka folur rreth zonës së Llapushnikut dhe veprimtarinë e UCK-së në atë zonë.
Duke komentuar një deklaratë të UCK-së, të cilën e paraqiti prokurori i ZPS-së, ka thënë se në zonë të Llapushnikut nuk kishin simpati për LDK-së dhe për Ibrahim Rugovën. Duke theksuar se, sipas tij, për komandën e UCK-së, Rugova ka qenë pengesë.
Një pjesë e bisedës së dëshmitarit me prokurorin:
Prokurori: Dua t’ju lexoj një pjesë (të deklaratës politike e 8 e UÇK-së) ‘UÇK-në dhe popullin shqiptar janë duke u goditur prapa shpine nga elemente kolaboracioniste dhe pacifiste me gjithë vështirë UÇK e dalë nga gjiri i popullit do të vazhdojë luftën deri në fitore’. Sa e përhapur ishte kjo ndejnë ne zonën e Llapshunikut?
Dëshmitari: Pasi kemi shkruar ne në Llapushnik, kanë filluar të deklarohen disa ushtarë pa uniformë, veshur thjesht kanë qenë. As nuk njiheshin Rugovë e thoshin…. pastaj e kuptova që është fjala për Rugovën, pengesë tyre paska qenë Rugova, ne kemi qenë pjesë e LDK-së deri shumë vonë mas luftës, atëherë njëfarëlloj presioni që kemi pasur ka qenë edhe ky motiv, se pse njerëzit e LDK-së janë kyç në UÇK-së, se këta kanë menduar në fillim se vetë këta duhet ta udhëheqin luftën e vetëm këta duhet me qenë me zotnu Kosovën.
Prokurori: Këtë deklaratë që e lexova më herët a e lidhni me LDK-në apo jo?
Dëshmitari: Po.
Prokurori: A u thuhej se LDK-ja ishte armike?
Dëshmitari: Ka pasur, kanë thënë nuk duhet me i pranu, nuk janë të besueshëm.
Prokurori: A ishte komanda e UCK-së ajo që i përhapte këto mesazhe?
Dëshmitari: Sigurisht, komanda ka qenë, sigurisht se nuk kish mujt me fol, edhe pse shumica e luftëtarëve kanë qenë me LDK-në.
…