Kuvendi i Kosovës ka dështuar të caktojë një anëtarë për Komisionin e Pavarur të Mediave (KPM). Në garë për këtë pozitë kanë qenë dy anëtare, Violeta Hyseni – Kelmendi dhe Teuta Morina – Hoxha, që kishin marrë numrin më të madh të pikëve, gjatë intervistimit nga komisioni ad-hoc.
Violeta Hyseni- Kelmendi ka marrë 20 vota, kurse Teuta Morina-Hoxha ka marrë 29 vota.
Në votim kanë marrë pjesë 91 deputetë, ndërkaq 42 vota ishin të pavlefshme.
Në fjalën e saj, deputetja e Partisë Demokratike të Kosovës, Ganimete Musliu, ka thënë se kandidatet që ishin në garë ishin profesionale, dhe mospërzgjedhja e njërës nga to, është lajm jo i mirë.
Pas dështimit të përzgjedhjes së anëtares së KPM-së, konkursi do të përsëritet.