Tri vetura, një kamionetë dhe një rimorkio janë përfshirë nga zjarri mëngjesin e sotëm në “Rrugën C” në Prishtinë.
Lajmin e ka konfirmuar zëdhënësja e policisë, Flora Ahmeti, e cila ka bërë të ditur se nuk ka persona të lënduar.
“Sot rreth orës 04:00, kemi pranuar informatën për një incident zjarri në rrugën “Shaqir Igrishta” në Prishtinë, ku janë djegur tri vetura, një kamionetë dhe një rimorkio. Në vendngjarje kanë dalë zjarrfikësit dhe policia të cilët janë marrë me rastin. Zjarri është lokalizuar dhe nuk është raportuar për persona të lënduar”, ka deklaruar Ahmeti.
Ahmeti ka potencuar gjithashtu se hetuesit policor në koordinim me prokurorin po kryejnë veprimet e nevojshme hetimore.