Një veturë është përfshirë nga zjarri mëngjesin e së enjtes.
Flora Ahmeti, zëdhënëse e Policisë së Kosovës, ka konfirmuar rastin, dhe ka bërë të ditur se incidenti ka ndodhur rreth orës 08:50.
Nuk ka pasur persona të lënduar.
“Sot rreth orës 08:50, kemi pranuar informatën për një incident zjarri në rrugën ‘Xheladin Hana’ në Prishtinë, ku është djegur një veturë. Në vendngjarje kanë dalë zjarrfiksit dhe policia të cilët janë marrë me rastin. Zjarri është lokalizuar, nuk është raportuar për ndonjë person të lënduar”, ka njoftuar ajo.
Ahmeti ka thesksuar tutje se aktualisht po kryhen ekzaminimet e nevojshme në vendin e ngjarjes.