Pamja e parë të jep përshtypjen e një vendi të harruar. Por edhe realiteti nuk është shumë ndryshe.
Ndërtesat kolektive të ndërtuara për familjet e minatorëve që punonin në minierë në Novobërdë, janë braktisur në masë të madhe, dhe banuesit e paktë që kanë mbetur aty, përmendin disa prej arsyeve për këtë.
“Jetesa është shumë e vështir, s’kmimarket duhet me shku në Llapjan pastaj s’kemi transport. Para lufte ka qenë shumë mirë ka pas shumë banorë ka punuar edhe hoteli”, ka deklaruar banori i kësaj lagjes, Hysen Llapashtica.
Adem Gërbeshi, është një tjetër minator që ende jeton aty.
Por Gërbeshi, thotë se nëse nuk ndryshon diçka, edhe ai bashkë me 4 minatorët e tjerë e familjet, do të largohen.
“ Popullatë është shpërngul shkaku i transportit, pas lufte janë shpërngulure pasi janë kanë të gjitha të popullume. Mungesë e ambulantes, kryesisht janë kanë të minatorëve por kjo u njohë si lagje e minatorëve. Për momentin jemi pesë persona që punojmë ende në minierë dhe që jetojmë këtu.. Nëse nuk ndryshon diçka ne do të shpërngulemi të gjithë”, ka thënë Gërbeshi.
Por shqetësimet e tyre, duket se nuk do të marrin përgjigje të shpejtë.
RTV Dukagjini, ka kontaktuar me zyrtarë të Komunës së Novobërdës, që i kanë thënë televizionit se ende nuk janë pranuar nga Ministria e Infrastrukturës për të diskutuar për këto tema.