Xhudistja nga Kosova, Distria Krasniqi ka kaluar në finalen e madhe të Lojërave Mesdhetare “Oran 2022” që po mbahen në Algjeri.
Distria ka arritur edhe fitoren e radhës në Lojërat Mesdhetare “Oran 2022” dhe tashmë ka siguruar medaljen e argjendtë.
Pas kësaj fitore, Krasniqi do ta kërkojë fitimin e medaljes së artë.
Ndërsa, xhudistja nga Kosova, Erza Muminoviq ka pësuar humbje në çerekfinale të Lojërave Mesdhetare “Oran 2022”, të cilat po mbahen në Algjeri.
Muminoviq e kishte nisur mirë garën, në meçin e parë pas një lufte që zgjati 10 minuta në kategorinë deri në 48 kilogramë, e që mposhti me ‘ippon’ xhudisten turke, Gulkader Senturk.
Megjithatë, xhudistja kosovare ishte e pafat dhe humbi në ndeshjen çerekfinale.
Ajo u mposht nga francezja Melanie Vieu, por që garën e vazhdon për medaljen e bronztë, të cilën do ta kërkojë përmes repasazhit.
Muminoviq kishte kaluar në çerekfinale të Lojërave Mesdhetare “Oran 2022”, pas fitores në raundin e parë të garave.
Po ashtu, xhudsitja Flaka Loxha, mposhtet në çerekfinale të Lojërave Mesdhetare, medaljen do ta kërkojë përmes repesazhit
Flaka Loxha mposhtet në çerekfinale të Lojërave Mesdhetare, medaljen do ta kërkojë përmes repesazhit. Ajo nuk ka arritur të kualifikohet në gjysmëfinale të Lojërave Mesdhetare.
Loxha u mund me Ippon nga italiania Giulia Caggiano në rrethin e dytë, ndërsa atë të parë e kishte kaluar pa luftë.
Ajo megjithatë ka ende shpresa për të fituar medalje pasi atë mund ta kërkojë përmes repesazhit.