E premtja e 26 korrikut shënon ditën përkujtimore të policëve të vrarë në krye të detyrës dhe 13-vjetorin e vdekjes së heroit Enver Zymeri.
Policia e Kosovës ka njoftuar se do të organizohen aktivitete në kuadër të ditës memoriale për policët e rënë dhe përkujtimit të 13-vjetorit të rënies së policit Enver Zymeri.
Në këto aktivitete, do të marrin pjesë personalitete të larta shtetërore dhe menaxhmenti i lartë i Policisë së Kosovës.
Nga ora 10:00 do të mbahen homazhe shtetërore pranë lapidarit të policëve të rënë në kryerje të detyrës, në Drejtoria e Përgjithshme e Policisë së Kosovës në Prishtinë.
Ndërsa, në orën 13:00, homazhe pranë pllakës përkujtimore në vendin e rënies së Heroit Enver Zymeri, në Zupç, Zubin Potok.
Aktivitete do të zhvillohen edhe në veri, në orën 14:00 do të mbahen gara profesionale të kërcimit në nderim të policëve të rënë në kryerje të detyrës, në Liqenin e Ujmanit, ura e parë.
Në 13-vjetorin e rënies së heroit Enver Zymeri, kryeministri i Kosovës, Albin Kurti, ka theksuar rëndësinë e kontributit të tij në shpalljen e fitores për sovranitetin e Kosovës.
Ai ka kujtuar se Zymeri në kohën e rënies ishte në krye të detyrës, duke mbrojtur qytetarët e Kosovës dhe duke shërbyer me guxim dhe përkushtim.