Dreshaj kërkon nga deputetët ta votojnë ligjin për pensionistët kontributdhënës

Aleanca për Ardhmërinë e Kosovës (AAK), ka kërkuar nga deputetët e Kuvendit të Kosovës që ta votojnë ligjin për pensionistët kontributdhënës

Shemsedin Dreshaj-AAK





Aleanca për Ardhmërinë e Kosovës (AAK), ka kërkuar nga deputetët e Kuvendit të Kosovës, ta votojnë në parim plotësim-ndryshimin e ligjit për Skemat Pensionale të Financuara nga Shteti, pasi është në rend dite në seancën e së enjtes.

Shemsedin Dreshaj nga kjo parti, në një konferencë për media, ka thënë se propozimi i iniciuar nga partia e tij parasheh që pensionet kontributdhënëse t’i gëzojnë të gjithë pensionistët, varësisht nga vitet sa kanë punuar para 1 janarit të vitit 1999.

Dreshaj ka kërkuar që të largohet kushtëzimi, pasi sipas tij, është diskriminuese që të njihet si pension kontributdhënës vetëm puna prej 15 vjetësh.

“Ligji për skemat pensionale të kontributdhënësve është ligj diskriminues, qytetarët e vendit që kanë kontribuuar me vite, nuk e gëzojnë të drejtën që të kenë një pension meritor”, ka thënë Dreshaj.

Ai ka thënë që kjo padrejtësi duhet të largohet duke e votuar këtë plotësim-ndryshim të këtij ligji.

“Në këto ditë të rënda të krizës, sot kjo konferencë duhet të jetë si shtytje për opinionin dhe deputetët e vendit, të gëzojë mbështetjen e komplet parlamentit që kjo padrejtësi e bërë të largohet njëherë e përgjithmonë”.

 

 





Shija e redaktorit

Hysni Gucati, kryetar i ri i OVL-UÇK-së

Delegatët Kuvendi i pestë zgjedhor i Organizatës së Veteranëve të Luftës së Ushtrisë Çlirimtare të Kosovës, ia kanë besuar një mandat 4 vjeçar Hysni...

Walker: Ajo çka ndodhi në Reçak, ndryshoi Ballkanin

Ish-shefi i Misionit Verifikues të OSBE-së në Kosovë, ambasadori William G. Walker, ka rikujtuar masakrën së Reçakut, duke e cilësuar atë si një moment...

“Reçak: Historia e një krimi lufte”, nga William G. Walker...

Edhe pak ditë na ndajnë nga dita kur libri “Reçak: Historia e një krimi lufte” nga William Walker-i do të shohë dritën e botimit,...

Të fundit nga rubrika