Zëdhënësja e policisë së Kosovës për rajonin e Prishtinës, Flora Ahmeti ka konfirmuar për Dukagjinin se dy persona janë lënduar si pasojë e përleshjes që ka ndodhur sot mes tifozëve të Fushë Kosovës dhe atyre të Vushtrrisë.
Gjithashtu, Ahmeti ka thënë se lidhur me këtë rast deri më tani janë arrestuar pesë persona.
“Sot rreth orës 15:00, në Stadiumin “Ekrem Grajçevci” në Fushë Kosovë, gjatë një ndeshje futbolli, ka ndodhë një incident, ku tifozët janë përleshur gjuajtur mes vete me mjete të forta, me ç ‘rast janë lënduar 2 prej tyre. Pas vënies nën kontroll të situatës, policia në koordinim me prokurorin e shtetit, kanë nisë një hetim për incidentin. Deri tani janë arrestuar pesë persona të dyshuar”, ka thënë Ahmeti.
Përleshja ka ndodhur mes tifozërisë “Pampurat” të skuadrës së Fushë Kosovës dhe tifozërisë “Forca” të skuadrës së Vushtrrisë.
(VIDEO) Përleshen me thika e stupca tifozët e Fushë Kosovës me ata të Vushtrrisë, ndërhyn policia