Në njërin nga këto parkingje tmerrin e kishte përjetuar një adoleshente nga Gjakova.
Pasi kishte shkëmbyer mesazhe me një person te moshës së rritur ishin takuar por gjërat ishin përkeqësuar, ku vajza nga Gjakova është sulmuar fizikisht e seksualisht.
“Pasi që paraprakisht kishin biseduar përmes rrjeteve sociale, takohen, dhe i pandehuri
me automjetin e tij e merr të dëmtuarën dhe e dërgon tek një parking, fillon ta prekë dhe
ta puthë, e më pas e godet me shuplakë dhe me përdorim të forcës e pa pëlqimin e saj
kryen marrëdhënie seksuale me të dëmtuarën, derisa e njëjta arrin që të del nga
automjeti dhe të paraqet rastin në polici”, kanë treguar nga Prokuroria Themelore e Gjakovës.
Ndërkohë, në të njëjtin qytetë, dhunë seksuale ka përjetuar edhe një e mitur tjetër.
Një 14 vjeçare tjetër që ishte në lidhje me një person të moshës madhore, ka raportuar në polici se ai kishte kryer marrëdhënie seksuale pa pëlqimin e saj dhe ngjarja kishte ndodhur në njërin nga motelet e Gjakovës.
Të dy të dyshuarit janë arrestuar dhe me të dy rastet po merret Prokuroria Themelore e Gjakovës, e cila edhe ka kërkuar paraburgim për të dy të dyshuarit.
“Kërkesa e Prokurorisë është aprovuar dhe Gjykata u ka caktuar në të dy rastet e ndara, të dyshuarve nga një muaj paraburgim”, ka thënë Yllka Shehu, zëdhënëse e Prokurorisë në Gjakovë.
Sipas vendimit të Gjykatës, pos që vepra penale është e ndjeshme, janë përmbushur edhe kriteret tjera ligjore për paraburgim, sepse me gjetjen e të pandehurve në liri ekziston rreziku i ikjes dhe ndikimi në dëshmitarë.