Të dielën e 16 tetorit, dy automjete janë përfshirë nga zjarri në parkingun e Aeroportit Ndërkombëtar të Prishtinës.
Zëdhënësja e Policisë për rajonin e Prishtinës, Flora Ahmeti, për Portali Dukagjini, ka thënë se njëra nga veturat e tipit Mercedes është shkatërruar tërësisht, ndërsa vetura tjetër e tipit Audi është dëmtuar pjesërisht.
“Policia mënjeherë ka dalë në vendin e ngjarjes, po ashtu janë ftuar dhe zjarrëfikësit. Përveç dëmeve materiale, nuk raportohet për të lënduar”, ka thënë Flora Ahmeti.
Policia, aktualisht, ka nisur ndërmarrjen e veprimeve hetimore për sqarimin e plotë të rrethanave që karakterizojnë ngjarjen.