Dyshime për parregullsi janë ngritur për pozitën e ushtruesit të detyrës së rektorit të Universitetit të Gjakovës.
Këshilli Drejtues e kishte shkarkuar rektorin Artan Nimani dhe dy javë më vonë e kishte emëruar si ushtrues detyre Zeqir Hashanin, në bazë të nenit 31 pika 6 e Statutit.
Sipas këtij nenin, ushtruesi i detyrës mund ta mbajë pozitën jo më shumë se 6 muaj.
Meqenëse, kishte mandat deri në shtator të 2023-së, rektori i shkarkuar po e konsideron këtë shkelje flagrante.
Artan Nimani, ish-Rektor ka thënë se “Ushtruesi i detyrës duhet të zgjedhet menjëhere pasi të shkarkohet rektori e jo të pritët dy jave e edhe kur është caktu ky emer është caktuar për mandate më tepër se 10 muaj që është në kundërshtim me statutin dhe rregullat”.
Nimani ka dyshime se këto zhvillime kanë prapavijë politike, duke shtuar se “vetëm politike, nuk ka arsye tjetër, unë kam thënë shumë troq, është emër i përvetshëm i Artan Nimanit i ka pengu dikujt”.
Por, një plan tjetër ka Këshilli Drejtues i Universitetit “Fehmi Agani”.
Agon Haxhikadrija nga Këshilli Drejtues në një audio mesazh ka thënë se “Ne kemi me i shpallë zgjedhjet në mars bile po tentojmë me i shpallë zgjedhjet në shkurt që I bjen për dy muaj edhe shumë qartë e thotë neni; Ushtruesi i Detyrës së rektorit do të mbajë postin e rektorit deri në fund të mandatit nëse në periudhën e shpalljës së zgjedhjeve kanë mbetur më pak se gjashtë muaj”.
Por, pavarësisht kësaj ish rektori ka vendosur që kësaj situate t’i hyjë edhe ligjërisht.
I njëjti ka ngritur Kallëzim Penal në Prokurorinë e Gjakovës si për shkarkimin e tij po edhe për vendimin e Këshillit Drejtues për Ushtruesin e Detyrës së Rektorit.
Nimani gjithashtu është ankuar edhe në Ministrinë e Arsimit.
Televizioni ka pyetur Prokurorinë e Gjakovës se deri ku kanë shkuar hetimet për këtë rast por të njëjtit nuk kanë kthyer përgjigje.