Programi “Ellen DeGeneres Show” kishte shumë klipe nga 3 mijë e 200 episode shfaqje, duke përfshirë këtu edhe falënderimin e saj të përlotur pas regjistrimit të episodit të parë, si dhe momente të tjera kryesore të karrierës së saj, si pritja e “Oscars” dhe marrja e çmimit “Mark Twain” dhe “Medaljes Presidenciale të Lirisë”.
Të ftuarit e DeGeneres përfshinin “Jennifer Aniston”, e cila ishte e ftuara e saj e parë kur shfaqja bëri debutimin. Aniston i dha asaj një tapet mirëseardhjeje ku shkruhej “Faleminderit për kujtimet”. Java e fundit përfshinte një vizitë nga “Oprah Winfrey”, e cila foli për aspektin familjar të një shfaqjeje të gjatë.
Ellen DeGeneres i dha një lamtumirë të përlotur emisionit të saj 19 vjeçar më 26.05.2022, duke thënë se shfaqja kishte “ndryshuar përgjithmonë jetën e saj”.
DeGeneres hapi shfaqjen e fundit të “The Ellen DeGeneres Show” duke diskutuar përparimin që ishte bërë që nga premiera e shfaqjes në vitin 2003.
Full circle. pic.twitter.com/YyThNk9qyZ
— Ellen DeGeneres (@TheEllenShow) May 27, 2022
Gjithashtu,ajo theksoi se në fillimet e saj nuk mund të fliste lirshëm për komunitetin LGBT në shfaqje, ose t’i referohej Portia de Rossi-t si gruaja e saj, sepse martesa e homoseksualëve nuk ishte e ligjshme
DeGeneres falënderoi stafin dhe producentët e saj, si dhe audiencën e saj besnike. “Nëse kam bërë ndonjë gjë në 19 vitet e fundit, shpresoj të të kem frymëzuar të jesh vetvetja – vetja juaj e vërtetë, autentike”, tha ajo.
Në episodin e fundit nuk u përmend asnjë nga polemika që ka lindur në lidhje me shfaqjen vitet e fundit, duke përfshirë raportet e një kulture toksike që e shtyu DeGeneres t’i kërkonte falje stafit të saj në vitin 2020.
DeGeneres premtoi se nuk do të largohet për shumë kohë nga ekrani.
“Sot nuk është fundi i lidhjes time me televizionin, është më shumë një pushim i vogël”, tha ajo. “Ju mund të më shihni në emisione të tjera talk tani”.